«Ан-Наср» ҳужумчиси Криштиану Роналду Саудия Арабистони лигасидаги ўзининг 100-учрашувини ўтказди.

41 ёшли португалиялик юлдуз учун Саудия Арабистони чемпионати 27-туридан ўрин олган «Ан-Нажма»га қарши баҳс (5:2) юбилей ўйин бўлди. Ушбу учрашувда форвард дубль қайд этишга муваффақ бўлди.

Саудия лигасидаги 100 та ўйини давомида Роналду 97 та гол урди ва 8 та сариқ карточка олди. Transfermarkt портали шунингдек, Криштиану ҳисобида 18 та голли узатма борлигини кўрсатмоқда, бироқ ушбу портал ишлаб олинган пенальтиларни ҳам голли ассист сифатида ҳисобга олади.