Milanning «Inter» klubi bosh murabbiyi Kristian Kivu mavsumning yakuniy o‘yinlarida jamoaning ruhiy holati bilan bog‘liq yuzaga kelishi mumkin bo‘lgan muammolar haqidagi savolga javob berdi.

Jurnalistlar ruminiyalik mutaxassisdan «neradzurrilar» tarkibidagi Italiya terma jamoasi a’zolari «Skuadra Adzurra»ning Jahon chempionatiga chiqa olmaganidan keyin tez fursatda o‘ziga kela olmasliklaridan xavotirda emasmi, deb so‘rashdi.

«Men chempionlar bilan ishlayman. Ular joriy mavsumdayoq to‘g‘ri xulosa chiqarish va muvaffaqiyatsizliklarni yengib o‘tishga qodir ekanliklarini isbotlab bo‘lishdi. Ular asosiysi — reaksiya, xarakter, jamoa va muxlislarga bo‘lgan hurmat ekanini tushunib yetishgan. Ruhiy tushkunlik — o‘yinning bir qismi, ba’zida bu bilan shunchaki kelishish kerak. Men bundan xavotirda emasman. Futbolchilarimiz o‘zlarining irodaviy barqarorliklarida muammo yo‘qligini ko‘rsatib qo‘yishdi», — dedi Kivu matbuot anjumanida.

Bugun milanliklar o‘z uylarida «Roma»ni qabul qilishadi.