Madridning «Real» klubi bosh murabbiyi Alvaro Arbeloa mavsum yakunlanganidan keyin ishini yo‘qotish xavfi ostida qoldi.
«Qaymoqranglilar» rahbariyati murabbiyga ishonch bildirayotgan edi, biroq shanba kuni «Malyorka»dan qabul qilingan mag‘lubiyat hammasini o‘zgartirib yubordi — endi ispaniyalik mutaxassisning klubdagi kelajagi jiddiy so‘roq ostida turibdi, deb xabar bermoqda Diario AS. Agar jamoa mavsumni sovrinsiz yakunlasa, murabbiy o‘z lavozimini saqlab qolishi amrimahol.
La Liga yakunigi 8 tur qolganida «Real» «Barselona»dan yetti ochko ortda qolmoqda — turnir tarixida hali hech kim bunday farqni yo‘qqa chiqara olmagan. Shu tariqa, Arbeloaning taqdiri ko‘p jihatdan Chempionlar ligasidagi natijalarga bog‘liq bo‘ladi — u yerda madridliklar chorak finalda «Bavariya» bilan to‘qnash kelishadi.
