Мадриднинг «Реал» клуби бош мураббийи Альваро Арбелоа мавсум якунланганидан кейин ишини йўқотиш хавфи остида қолди.
«Қаймоқранглилар» раҳбарияти мураббийга ишонч билдираётган эди, бироқ шанба куни «Мальорка»дан қабул қилинган мағлубият ҳаммасини ўзгартириб юборди — энди испаниялик мутахассиснинг клубдаги келажаги жиддий сўроқ остида турибди, деб хабар бермоқда Diario AS. Агар жамоа мавсумни совринсиз якунласа, мураббий ўз лавозимини сақлаб қолиши амримаҳол.
Ла Лига якуниги 8 тур қолганида «Реал» «Барселона»дан етти очко ортда қолмоқда — турнир тарихида ҳали ҳеч ким бундай фарқни йўққа чиқара олмаган. Шу тариқа, Арбелоанинг тақдири кўп жиҳатдан Чемпионлар лигасидаги натижаларга боғлиқ бўлади — у ерда мадридликлар чорак финалда «Бавария» билан тўқнаш келишади.
