«Real»ning sobiq yarim himoyachisi Sami Xedira Chempionlar ligasi chorak finali doirasidagi «Bavariya»ga qarshi bahs oldidan Madrid klubi uchun xavotirda ekanini bildirdi.
«Uni [«Bavariya»ni] to‘xtatib bo‘lmaydi. Men Yevropada bunday darajadagi jamoani ilgari hech qachon ko‘rmaganman. «Bavariya» yirik g‘alabalarga moslashgan va hech qachon 1:0, 2:0 yoki 3:0 hisobi bilan qanoatlanmaydi.
Mbappe va Vinisius yuqori pressing ostida o‘zlarini unchalik qulay his qilishmaydi, bu esa «Real»ning yaxlitligiga putur yetkazishi va jamoaviy ruhga salbiy ta’sir qilishi mumkin.
Agar «Bavariya» himoyachilar ortiga to‘p uzatishni uddalasa, «Real»ga tezkor yorib kirishlarni to‘xtatish juda qiyin bo‘ladi. Ularning asosiy kuchi ham aynan shunda — Kimmix, Pavlovich va hatto Keyn tomonidan amalga oshiriladigan o‘tkir uzatmalarda», — dedi Xedira Sport Bild nashriga bergan intervyusida.
