«Реал»нинг собиқ ярим ҳимоячиси Сами Хедира Чемпионлар лигаси чорак финали доирасидаги «Бавария»га қарши баҳс олдидан Мадрид клуби учун хавотирда эканини билдирди.
«Уни [«Бавария»ни] тўхтатиб бўлмайди. Мен Европада бундай даражадаги жамоани илгари ҳеч қачон кўрмаганман. «Бавария» йирик ғалабаларга мослашган ва ҳеч қачон 1:0, 2:0 ёки 3:0 ҳисоби билан қаноатланмайди.
Мбаппе ва Винисиус юқори прессинг остида ўзларини унчалик қулай ҳис қилишмайди, бу эса «Реал»нинг яхлитлигига путур етказиши ва жамоавий руҳга салбий таъсир қилиши мумкин.
Агар «Бавария» ҳимоячилар ортига тўп узатишни уддаласа, «Реал»га тезкор ёриб киришларни тўхтатиш жуда қийин бўлади. Уларнинг асосий кучи ҳам айнан шунда — Киммих, Павлович ва ҳатто Кейн томонидан амалга ошириладиган ўткир узатмаларда», — деди Хедира Sport Bild нашрига берган интервьюсида.
