«Liverpul» sobiq ustozi Yurgen Klopp «Enfild» muhitini sog‘inganini tan oldi. Hozirda germaniyalik mutaxassis «Red Bull» tizimida futbol yo‘nalishiga rahbarlik qilmoqda.
«Men har kuni ertalab uyg‘onib, menga bu [«Enfild» muhiti] kerak, deb o‘ylamayman, lekin baribir sog‘inaman. Bu menga juda yoqardi.
Men ko‘p mehnat qilaman va ishlashni xohlayman. Hozirgi farq shundaki, men uch kun ishlab, keyin balki to‘rt kun hech narsa qilmasligim mumkin. Bu menda bo‘lgan eng yaxshi ish tartibidir.
Men ishsiz o‘tirish uchun tug‘ilmaganman. Ammo hayotdan yana boshqa narsalar olish uchun ham yo‘l topishim kerak edi», — dedi Klopp.
