«Ливерпуль» собиқ устози Юрген Клопп «Энфилд» муҳитини соғинганини тан олди. Ҳозирда германиялик мутахассис «Ред Булл» тизимида футбол йўналишига раҳбарлик қилмоқда.
«Мен ҳар куни эрталаб уйғониб, менга бу [«Энфилд» муҳити] керак, деб ўйламайман, лекин барибир соғинаман. Бу менга жуда ёқарди.
Мен кўп меҳнат қиламан ва ишлашни хоҳлайман. Ҳозирги фарқ шундаки, мен уч кун ишлаб, кейин балки тўрт кун ҳеч нарса қилмаслигим мумкин. Бу менда бўлган энг яхши иш тартибидир.
Мен ишсиз ўтириш учун туғилмаганман. Аммо ҳаётдан яна бошқа нарсалар олиш учун ҳам йўл топишим керак эди», — деди Клопп.
