Seshanba kuni Madridning "Real" klubi Chempionlar Ligasi 1/4 finalining dastlabki o‘yinida o‘z maydonida "Bavariya"ni qabul qiladi.
Yaqindagina jiddiy jarohatini davolab bo‘lgan markaziy himoyachi Eder Militao "qaymoqranglilar"ning asosiy tarkibida maydonga tushishi mumkin, deb xabar bermoqda Marca. Futbolchi to‘liq sog‘aygan va yaxshi sport formasiga kirib olgan.
Militaoning maydonga qaytishi La Liganing "Malyorka"ga qarshi yaqinda bo‘lib o‘tgan bahsida yuz berdi – o‘shanda braziliyalik futbolchi zaxiradan maydonga tushgan. 28 yoshli futbolchi jami to‘rt oyga yaqin vaqt davomida maydonga tusha olmadi.
15 aprel kuni Myunxenda "Real" va "Bavariya" o‘rtasidagi javob uchrashuvi bo‘lib o‘tadi.













