Сешанба куни Мадриднинг "Реал" клуби Чемпионлар Лигаси 1/4 финалининг дастлабки ўйинида ўз майдонида "Бавария"ни қабул қилади.

Яқиндагина жиддий жароҳатини даволаб бўлган марказий ҳимоячи Эдер Милитао "қаймоқранглилар"нинг асосий таркибида майдонга тушиши мумкин, деб хабар бермоқда Marca. Футболчи тўлиқ соғайган ва яхши спорт формасига кириб олган.

Милитаонинг майдонга қайтиши Ла Лиганинг "Мальорка"га қарши яқинда бўлиб ўтган баҳсида юз берди – ўшанда бразилиялик футболчи захирадан майдонга тушган. 28 ёшли футболчи жами тўрт ойга яқин вақт давомида майдонга туша олмади.

15 апрель куни Мюнхенда "Реал" ва "Бавария" ўртасидаги жавоб учрашуви бўлиб ўтади.