«Kalyari» o‘ng qanot himoyachisi Marko Palestra Yevropa grandlarining qiziqishini jalb qilishda davom etmoqda.
«Liverpul» 21 yoshli futbolchida jamoani kuchaytirish uchun uzoq muddatli variantni ko‘rmoqda va kelayotgan mavsumlararo tanaffusda uni o‘z safiga qo‘shib olishga jiddiy bel bog‘lagan, deb xabar bermoqda CaughtOffside. Italiyalik futbolchining huquqlari «Atalanta»ga tegishli bo‘lib, Bergamo klubi uning sotuvidan taxminan 45 million yevro ishlab olmoqchi.
Joriy mavsumda Marko Palestra A Seriyada 30 ta o‘yinda maydonga tushib, bitta gol va to‘rtta golli uzatmani amalga oshirdi. Mart oyida istiqbolli futbolchi Italiya terma jamoasida debyut qildi: u har ikkala saralash bahsida maydonga tushdi, Bosniya va Gersegovinaga qarshi kechgan final o‘yinida esa ilk bor asosiy tarkibda ko‘rinish berdi.
