«Кальяри» ўнг қанот ҳимоячиси Марко Палестра Европа грандларининг қизиқишини жалб қилишда давом этмоқда.
«Ливерпуль» 21 ёшли футболчида жамоани кучайтириш учун узоқ муддатли вариантни кўрмоқда ва келаётган мавсумлараро танаффусда уни ўз сафига қўшиб олишга жиддий бел боғлаган, деб хабар бермоқда CaughtOffside. Италиялик футболчининг ҳуқуқлари «Аталанта»га тегишли бўлиб, Бергамо клуби унинг сотувидан тахминан 45 миллион евро ишлаб олмоқчи.
Жорий мавсумда Марко Палестра А Серияда 30 та ўйинда майдонга тушиб, битта гол ва тўртта голли узатмани амалга оширди. Март ойида истиқболли футболчи Италия терма жамоасида дебют қилди: у ҳар иккала саралаш баҳсида майдонга тушди, Босния ва Герцеговинага қарши кечган финал ўйинида эса илк бор асосий таркибда кўриниш берди.
