«Bavariya» futbolchisi Serj Gnabri Chempionlar Ligasi 1/4 finali doirasida Madridning «Real» klubiga qarshi bo‘lib o‘tadigan o‘yinlar haqida o‘z fikrlarini bildirdi.

Jamoalar seshanba kuni «Santyago Bernabeu» stadionida to‘qnash kelishadi. Kelasi chorshanba, 15 aprel kuni esa Myunxenda javob bahsi bo‘lib o‘tadi.

«Real» bilan o‘yinlar — bu doimo o‘zgacha tuyg‘u. Butun futbol olami ushbu qarama-qarshilikni intizorlik bilan kutmoqda va men ham bahs boshlanishini sabrsizlik bilan kutyapman. Har ikkala o‘yinda ham maydonga tushishni istardim.

«Bavariya» va «Real» uchrashuvlari — bu Yevropa futbolining klassikasi. Avvalroq ular «Manchester Siti»dan juda ishonchli tarzda o‘tishdi, bu meni biroz hayron qoldirdi. Ikki yil oldin «Real» bilan o‘ynaganimizda, hammasi tushkunlik bilan yakunlangan edi, vaholanki biz maqsadga juda yaqin edik. Bu safar revansh olishni va keyingi bosqichga yo‘l olishni istaymiz», — deya Diario AS Gnabrining so‘zlarini keltirmoqda.

Har ikkala bahs Toshkent vaqti bilan soat 00:00 da boshlanadi.