«Бавария» футболчиси Серж Гнабри Чемпионлар Лигаси 1/4 финали доирасида Мадриднинг «Реал» клубига қарши бўлиб ўтадиган ўйинлар ҳақида ўз фикрларини билдирди.
Жамоалар сешанба куни «Сантьяго Бернабеу» стадионида тўқнаш келишади. Келаси чоршанба, 15 апрель куни эса Мюнхенда жавоб баҳси бўлиб ўтади.
«Реал» билан ўйинлар — бу доимо ўзгача туйғу. Бутун футбол олами ушбу қарама-қаршиликни интизорлик билан кутмоқда ва мен ҳам баҳс бошланишини сабрсизлик билан кутяпман. Ҳар иккала ўйинда ҳам майдонга тушишни истардим.
«Бавария» ва «Реал» учрашувлари — бу Европа футболининг классикаси. Аввалроқ улар «Манчестер Сити»дан жуда ишончли тарзда ўтишди, бу мени бироз ҳайрон қолдирди. Икки йил олдин «Реал» билан ўйнаганимизда, ҳаммаси тушкунлик билан якунланган эди, ваҳоланки биз мақсадга жуда яқин эдик. Бу сафар реванш олишни ва кейинги босқичга йўл олишни истаймиз», — дея Diario AS Гнабрининг сўзларини келтирмоқда.
Ҳар иккала баҳс Тошкент вақти билан соат 00:00 да бошланади.
