«Inter» klubining sobiq hujumchisi Yurgen Klinsmann Italiya terma jamoasining JCH-2026 yo‘llanmasidan quruq qolgani haqida o‘z fikrlarini bildirdi.
Jennaro Gattuzo boshqargan jamoa jahon chempionati saralashining pley-off finalida Bosniya va Gersegovina terma jamoasiga imkoniyatni boy berdi (1:1, penaltilar seriyasida 1:4).
«Men Los-Anjelesdagi italiyalik do‘stlarim bilan birga juda qattiq tashvishlandim. O‘sha kecha uxlay olmadim.
Italiya hozirda yetakchilarning yo‘qligi, raqibni birga-bir vaziyatda aldab o‘ta oladigan futbolchilar yetishmasligi hamda yoshlarga nisbatan ishonch pastligi uchun tovon to‘lamoqda. Masalan, sizlarda Yamal va Musiala kabi iqtidorlarni, katta ehtimol bilan, tajriba orttirish uchun B Seriyaga yuborgan bo‘lishardi.
Bundan tashqari, ko‘plab murabbiylar hali ham har qanday holatda g‘alaba qozonish uchun emas, balki mag‘lub bo‘lmaslik ko‘rsatmasi bilan ishlashmoqda. Natija esa ko‘z o‘ngingizda», — dedi Klinsmann Rai Sport efirida.
