"Barselona" qanot himoyachisi Jyul Kunde Angliya Premyer-ligasiga ko‘chib o‘tishi mumkin. Bu haqda Topskills Sports UK nashri xabar bermoqda.
Manba bergan ma’lumotlarga ko‘ra, "Barselona" fransiyalik futbolchini yozgi transfer oynasida sotishga qaror qilgan. Futbolchi uchun asosiy da’vogar Londonning "Chelsi" klubi bo‘lib turibdi va ular ushbu kelishuvni amalga oshirish uchun bor imkoniyatlarini ishga solishni maqsad qilgan. Biroq, boshqa ingliz klublari ham vaziyatni diqqat bilan kuzatib borayotgani qayd etilgan.
Joriy mavsumda Kunde barcha musobaqalarni hisobga olganda 41 ta o‘yinda maydonga tushdi, uchta gol urdi va to‘rtta golli uzatma muallifiga aylandi.
Transfermarkt portali ma’lumotlariga ko‘ra, 27 yoshli himoyachining bozor qiymati 65 million yevroni tashkil etadi.
