"Барселона" қанот ҳимоячиси Жюль Кунде Англия Премьер-лигасига кўчиб ўтиши мумкин. Бу ҳақда Topskills Sports UK нашри хабар бермоқда.
Манба берган маълумотларга кўра, "Барселона" франциялик футболчини ёзги трансфер ойнасида сотишга қарор қилган. Футболчи учун асосий даъвогар Лондоннинг "Челси" клуби бўлиб турибди ва улар ушбу келишувни амалга ошириш учун бор имкониятларини ишга солишни мақсад қилган. Бироқ, бошқа инглиз клублари ҳам вазиятни диққат билан кузатиб бораётгани қайд этилган.
Жорий мавсумда Кунде барча мусобақаларни ҳисобга олганда 41 та ўйинда майдонга тушди, учта гол урди ва тўртта голли узатма муаллифига айланди.
Transfermarkt портали маълумотларига кўра, 27 ёшли ҳимоячининг бозор қиймати 65 миллион еврони ташкил этади.
