Madridning "Real" klubi bosh murabbiyi Alvaro Arbeloa "Malyorka"dan uchralgan mag‘lubiyatdan keyin jamoa kiyinish xonasidagi muhit haqida gapirib berdi.

Ispaniya La Ligasining 30-turidan o‘rin olgan uchrashuv 4 aprel kuni bo‘lib o‘tdi va madridliklarning 1:2 hisobidagi mag‘lubiyati bilan yakunlandi. Ushbu o‘yindan so‘ng "Real" turnir jadvalida peshqadam "Barselona"dan yetti ochkoga ortda qolmoqda.

— Mag‘lubiyatdan keyingi kiyinish xonasi boshqalaridan hech qanday farq qilmaydi. Ehtimol, bu safargisi og‘riqliroq qabul qilinayotgandir, chunki mag‘lubiyatga yo‘l qo‘yib bo‘lmaydigan klub mavjud bo‘lsa, bu — "Real"dir, — dedi Arbeloa.

"Real" o‘zining navbatdagi o‘yinini ertaga — Chempionlar Ligasi chorak finalida "Bavariya"ga qarshi o‘tkazadi.