Мадриднинг "Реал" клуби бош мураббийи Альваро Арбелоа "Мальорка"дан учралган мағлубиятдан кейин жамоа кийиниш хонасидаги муҳит ҳақида гапириб берди.
Испания Ла Лигасининг 30-туридан ўрин олган учрашув 4 апрель куни бўлиб ўтди ва мадридликларнинг 1:2 ҳисобидаги мағлубияти билан якунланди. Ушбу ўйиндан сўнг "Реал" турнир жадвалида пешқадам "Барселона"дан етти очкога ортда қолмоқда.
— Мағлубиятдан кейинги кийиниш хонаси бошқаларидан ҳеч қандай фарқ қилмайди. Эҳтимол, бу сафаргиси оғриқлироқ қабул қилинаётгандир, чунки мағлубиятга йўл қўйиб бўлмайдиган клуб мавжуд бўлса, бу — "Реал"дир, — деди Арбелоа.
"Реал" ўзининг навбатдаги ўйинини эртага — Чемпионлар Лигаси чорак финалида "Бавария"га қарши ўтказади.













