Yarim himoyachi Eduardo Kamavinga o‘z kelajagi borasida bir qarorga keldi. Mashhur jurnalist Florian Plettenbergning ijtimoiy tarmoqlarda xabar berishicha, Kamavinga «Real»ni tark etish niyatida emas. Fransiyalik futbolchi Madrid klubida iloji boricha uzoq vaqt qolishni maqsad qilgan.
Qayd etilishicha, Kamavinga tomonidan hech qanday norozilik alomatlari kuzatilmagan. Futbolchi boshqa klublar bilan muzokaralar olib bormagan.
Avvalroq matbuotda Eduardo Kamavinga yozgi transfer oynasida jamoasini o‘zgartirishi mumkinligi haqida ma’lumotlar paydo bo‘lgan edi.
23 yoshli Kamavinganing «Real» bilan amaldagi shartnomasi 2028/2029 yilgi mavsum yakuniga qadar mo‘ljallangan.













