Ярим ҳимоячи Эдуардо Камавинга ўз келажаги борасида бир қарорга келди. Машҳур журналист Флориан Плеттенбергнинг ижтимоий тармоқларда хабар беришича, Камавинга «Реал»ни тарк этиш ниятида эмас. Франциялик футболчи Мадрид клубида иложи борича узоқ вақт қолишни мақсад қилган.
Қайд этилишича, Камавинга томонидан ҳеч қандай норозилик аломатлари кузатилмаган. Футболчи бошқа клублар билан музокаралар олиб бормаган.
Аввалроқ матбуотда Эдуардо Камавинга ёзги трансфер ойнасида жамоасини ўзгартириши мумкинлиги ҳақида маълумотлар пайдо бўлган эди.
23 ёшли Камавинганинг «Реал» билан амалдаги шартномаси 2028/2029 йилги мавсум якунига қадар мўлжалланган.
