Xosep Gvardiola «Manchester Siti» boshqaruvida qolish-qolmaslik borasida hali bir qarorga kelmadi. Gvardiola o‘z qarorini mart oyidagi terma jamoalar tanaffusi vaqtida «shaharliklar» rahbariyatiga ma’lum qilishi kutilgan edi, biroq bu amalga oshmadi. Bu haqda The Telegraph nashriga tayanib Goal portali xabar bermoqda.
Qayd etilishicha, Gvardiola kelajagi borasidagi qarorni mavsum yakuniga qadar qoldirgan. Hozircha mutaxassis o‘z ishini avvalgidek ishtiyoq va fidoiylik bilan davom ettira olishiga to‘liq ishonmayapti.
Shu yozda Xosep Gvardiolaning «Manchester Siti» murabbiyi etib tayinlanganiga roppa-rosa 10 yil to‘ladi. Murabbiyning amaldagi shartnomasi 2026/2027 yilgi mavsum yakunigacha mo‘ljallangan.













