Хосеп Гвардиола «Манчестер Сити» бошқарувида қолиш-қолмаслик борасида ҳали бир қарорга келмади. Гвардиола ўз қарорини март ойидаги терма жамоалар танаффуси вақтида «шаҳарликлар» раҳбариятига маълум қилиши кутилган эди, бироқ бу амалга ошмади. Бу ҳақда The Telegraph нашрига таяниб Goal портали хабар бермоқда.
Қайд этилишича, Гвардиола келажаги борасидаги қарорни мавсум якунига қадар қолдирган. Ҳозирча мутахассис ўз ишини аввалгидек иштиёқ ва фидоийлик билан давом эттира олишига тўлиқ ишонмаяпти.
Шу ёзда Хосеп Гвардиоланинг «Манчестер Сити» мураббийи этиб тайинланганига роппа-роса 10 йил тўлади. Мураббийнинг амалдаги шартномаси 2026/2027 йилги мавсум якунигача мўлжалланган.
