«Liverpul» afsonasi Jon Barns mersisaydliklar rahbariyatini bosh murabbiy Arne Slotga bo‘lgan ishonchni saqlab qolishga chaqirdi.

«Biz Arne Slot bilan APLda g‘olib chiqdik va endi birdan uni bo‘shatmoqchimizmi? Agar u ketsa va o‘rniga, aytaylik, Alonso kelsa-yu, dastlabki olti oy yoki bir yilda muvaffaqiyatsizlikka uchrasa-chi? Unda nima qilamiz? Uni ham bo‘shatib, boshqa birovni chaqiramizmi? Men doim murabbiylarni qo‘llab-quvvatlayman, chunki ular klubga o‘z muvaffaqiyatlari tufayli kelishadi. Ularga vaqt berish kerak», — deya Barnsning so‘zlarini keltirmoqda Liverpool Echo.

Arne Slot Angliya Kubogi chorak finalida «Manchester Siti»dan uchralgan yirik mag‘lubiyatdan (0:4) so‘ng keskin bosim ostida qoldi. Bu mag‘lubiyat klub uchun joriy mavsumdagi 15-si bo‘ldi. Avvalroq «Liverpul» rahbariyati Slotning kelajagini muhokama qilish uchun favqulodda yig‘ilish o‘tkazgani xabar qilingan edi.

Eslatib o‘tamiz, Slot 2024 yilda «Liverpul»ni qabul qilib olgan va 2024/2025 yilgi mavsumda jamoa bilan Angliya Premyer-ligasida chempionlikni qo‘lga kiritgan edi. Hozirda jamoa 49 ochko bilan turnir jadvalida 5-o‘rinda bormoqda va YECHL chorak finaliga yo‘l olgan.