«Manchester Yunayted» sport direktori Jeyson Uilkoks himoyachi Xarri Maguayr bilan shartnoma uzaytirilgani haqida gapirdi. Bugun, 7 aprel kuni klub 33 yoshli ingliz futbolchisi bilan mehnat shartnomasini 2027 yilning yozigacha uzaytirilganini rasman e’lon qildi.
«Xarri «Manchester Yunayted»da o‘ynash uchun zarur bo‘lgan mentalitet va bardoshlilikni o‘zida mujassam etgan. U haqiqiy professional bo‘lib, bizning yosh va ambisiyali jamoamizga bebaho tajriba va yetakchilikni olib kiradi.
Garri, klubdagi barcha qatori, «Manchester Yunayted»ning muntazam va barqaror muvaffaqiyatlarga erishishiga yordam berishga to‘liq qaror qilgan», — deya Uilkoksning so‘zlarini keltirmoqda klub rasmiy sayti.
Himoyachi 2027 yilning iyunigacha mo‘ljallangan yangi shartnomaga imzo chekdi, unda kelishuvni yana bir yilga uzaytirish imkoniyati ham ko‘zda tutilgan. Maguayr «Manchester Yunayted»ga 2019 yilda kelib qo‘shilgan va shu vaqt ichida 266 ta o‘yinda maydonga tushib, Angliya Liga kubogi va Angliya kubogini qo‘lga kiritgan.
