«Манчестер Юнайтед» спорт директори Жейсон Уилкокс ҳимоячи Харри Магуайр билан шартнома узайтирилгани ҳақида гапирди. Бугун, 7 апрель куни клуб 33 ёшли инглиз футболчиси билан меҳнат шартномасини 2027 йилнинг ёзигача узайтирилганини расман эълон қилди.
«Харри «Манчестер Юнайтед»да ўйнаш учун зарур бўлган менталитет ва бардошлиликни ўзида мужассам этган. У ҳақиқий профессионал бўлиб, бизнинг ёш ва амбицияли жамоамизга бебаҳо тажриба ва етакчиликни олиб киради.
Гарри, клубдаги барча қатори, «Манчестер Юнайтед»нинг мунтазам ва барқарор муваффақиятларга эришишига ёрдам беришга тўлиқ қарор қилган», — дея Уилкокснинг сўзларини келтирмоқда клуб расмий сайти.
Ҳимоячи 2027 йилнинг июнигача мўлжалланган янги шартномага имзо чекди, унда келишувни яна бир йилга узайтириш имконияти ҳам кўзда тутилган. Магуайр «Манчестер Юнайтед»га 2019 йилда келиб қўшилган ва шу вақт ичида 266 та ўйинда майдонга тушиб, Англия Лига кубоги ва Англия кубогини қўлга киритган.
