Britaniyalik og‘ir vaznli bokschi Tayson Fyuri nima uchun Arslanbek Mahmudovga qarshi jangga rozi bo‘lgani haqida gapirdi. Uning so‘zlarini The Ring nashri keltirmoqda:
«Mening uzoq muddatli rejam yo‘q. Faqat bitta jang bor va tamom. Men boshqa hech narsa haqida o‘ylayotganim yo‘q, faqat mana shu yigit bilan bo‘ladigan to‘qnashuv haqida o‘ylayapman. Bu "yo hayot, yo mamot" vaziyati. Agar u meni mag‘lub etsa, parda yopiladi, shunday emasmi? Bundan keyin boshqa janglar bo‘lmaydi. Men uchun hammasi tugaydi.
Mahmudov professional ringda 23 ta jang o‘tkazib, deyarli barchasini nokaut bilan yutgan. U juda xavfli va men hech qachon bunday raqiblarni mensimasdan qaramayman. Menga aynan shunday xavfli raqib kerak edi. Agar "chigalyozdi" jangini tanlaganimda, ehtimol, mashg‘ulot ham qilmasdan, ringga 150 kilogramm vazn bilan chiqqan bo‘lardim.
Lekin u xavfli yigit ekanligini bilganim uchun o‘zimni to‘liq mashg‘ulotlarga bag‘ishladim. Ringga a’lo darajadagi sport formasida, jangga tayyor holda chiqaman. Mahmudovga 100 foiz jiddiy qarash va uning nomiga hurmat ko‘rsatish kerak, chunki u xavfli nokautchi usta», — dedi Tayson.
