"Barselona" safida "Al-Hilol"dan ijara asosida harakat qilayotgan Joau Kanselu kelajagi haqida fikrlarini bildirdi.
— Kelgusi mavsumni hisobga olsak, nima qilishni xohlayotganingiz borasida aniq fikringiz bormi? Har ikkala klub bilan ham gaplashdingizmi va kelasi yili shu yerda qolish imkoniyatingizni qanday baholaysiz?
— Futbolda hamma narsa bir lahzada o‘zgarib ketishi mumkin. Men o‘zimni xomxayollar bilan aldab o‘tirmayman, shunchaki ishlashda davom etaman.
Kelasi mavsum uchun nima xohlayotganimni juda yaxshi bilaman, lekin buni hozir aytmayman. Men xohlayotgan narsa — "Barcelona"ga loyiq bo‘lgan joyga chiqishiga yordam berishda davom etish, ushbu musobaqadagi o‘rnimizni saqlab qolish va La Ligada g‘alaba qozonishga harakat qilishdir.
Hozirgi vaqtda eng muhimi shu, kelajagim esa ayni damda meni qiziqtirmaydi", - dedi 31 yoshli portugaliyalik futbolchi.
