"Manchester Yunayted" sobiq futbolchisi Patris Evra "qizil iblislar" Maykl Kerrikni klub bosh murabbiyi lavozimida qoldirishi kerakmi yoki yo‘qmi, degan savolga javob berdi.
"Men bugungi kun bilan yashayman. U Chempionlar ligasi yo‘llanmasini qo‘lga kiritishi kerak. Ba’zilar unda tajriba yetishmasligini aytishmoqda. Biroq biz buni avval ham sinab ko‘rganmiz. Biz Mourinyu, Lui van Gal, Ruben Amorimni taklif qilgandik va bu kutilgan natijani bermagan edi. Hozir esa hammasi ishlamoqda, ko‘ramiz keyin nima bo‘larkan", — dedi Evra The Athletic nashriga bergan intervyusida.
Hozirgi vaqtda "Manchester Yunayted" Angliya chempionati turnir jadvalida 31 turdan keyin 55 ochko jamg‘argan holda uchinchi o‘rinni egallab turibdi.













