"Манчестер Юнайтед" собиқ футболчиси Патрис Эвра "қизил иблислар" Майкл Кэррикни клуб бош мураббийи лавозимида қолдириши керакми ёки йўқми, деган саволга жавоб берди.
"Мен бугунги кун билан яшайман. У Чемпионлар лигаси йўлланмасини қўлга киритиши керак. Баъзилар унда тажриба етишмаслигини айтишмоқда. Бироқ биз буни аввал ҳам синаб кўрганмиз. Биз Моуринью, Луи ван Гал, Рубен Аморимни таклиф қилгандик ва бу кутилган натижани бермаган эди. Ҳозир эса ҳаммаси ишламоқда, кўрамиз кейин нима бўларкан", — деди Эвра The Athletic нашрига берган интервьюсида.
Ҳозирги вақтда "Манчестер Юнайтед" Англия чемпионати турнир жадвалида 31 турдан кейин 55 очко жамғарган ҳолда учинчи ўринни эгаллаб турибди.
