"Yuventus"ning chap qanot himoyachisi Andrea Kambyaso yozgi transfer oynasida sotib yuborilishi mumkin. Turinliklar rahbariyati endilikda lateralni "daxlsiz" deb hisoblamayapti, deb xabar bermoqda jurnalist Nikolo Skira.
Klub transfer byudjetini to‘ldirish va bosh murabbiy Luchano Spallettining so‘roviga ko‘ra yangi o‘yinchilarni taklif qilish maqsadida 26 yoshli futbolchini sotishga tayyor. Andrea Kambyasoga "Barselona" qiziqish bildirayotgani aytilmoqda, avvalroq esa "Manchester Siti" italiyalikni sotib olishga urinib ko‘rgan edi.
"Transfermarkt" portali ekspertlari talqiniga ko‘ra, himoyachining bozor qiymati 30 million yevroni tashkil qiladi, uning amaldagi shartnomasi esa 2029 yilgacha mo‘ljallangan.
