"Ювентус"нинг чап қанот ҳимоячиси Андреа Камбьясо ёзги трансфер ойнасида сотиб юборилиши мумкин. Туринликлар раҳбарияти эндиликда латерални "дахлсиз" деб ҳисобламаяпти, деб хабар бермоқда журналист Николо Скира.
Клуб трансфер бюджетини тўлдириш ва бош мураббий Лучано Спаллеттининг сўровига кўра янги ўйинчиларни таклиф қилиш мақсадида 26 ёшли футболчини сотишга тайёр. Андреа Камбьясога "Барселона" қизиқиш билдираётгани айтилмоқда, аввалроқ эса "Манчестер Сити" италияликни сотиб олишга уриниб кўрган эди.
"Transfermarkt" портали экспертлари талқинига кўра, ҳимоячининг бозор қиймати 30 миллион еврони ташкил қилади, унинг амалдаги шартномаси эса 2029 йилгача мўлжалланган.
