Fransiyalik afsonaviy sobiq hujumchi Tyerri Anri "Barselona" markaziy himoyachisi Pau Kubarsining "Atletiko"ga qarshi o‘yinda chetlatilishi bilan bog‘liq vaziyatga munosabat bildirdi.
19 yoshli futbolchi 44-daqiqada to‘g‘ridan-to‘g‘ri qizil kartochka oldi. Bir kishi kam bo‘lib qolgan kataloniyaliklar ikkita gol o‘tkazib yuborishdi va raqib darvozasiga yo‘l topa olishmadi.
"Men uchun bu chetlatishga loyiq vaziyat emas edi. U oxirgi himoyachi bo‘lganini tushunaman, lekin vaziyatni diqqat bilan baholash kerak. To‘p "Atletiko" o‘yinchisining to‘liq nazoratida emasdi, zarba berish burchagi ideal emas va darvozagacha bo‘lgan masofa ancha uzoq edi. Ushbu vaziyat gol bilan yakunlanishiga ishonch bilan ayta olamizmi? Men bunday deb o‘ylamayman", – deya Anrining so‘zlarini keltirmoqda Topskills Sports UK.
