Франциялик афсонавий собиқ ҳужумчи Тьерри Анри "Барселона" марказий ҳимоячиси Пау Кубарсининг "Атлетико"га қарши ўйинда четлатилиши билан боғлиқ вазиятга муносабат билдирди.
19 ёшли футболчи 44-дақиқада тўғридан-тўғри қизил карточка олди. Бир киши кам бўлиб қолган каталонияликлар иккита гол ўтказиб юборишди ва рақиб дарвозасига йўл топа олишмади.
"Мен учун бу четлатишга лойиқ вазият эмас эди. У охирги ҳимоячи бўлганини тушунаман, лекин вазиятни диққат билан баҳолаш керак. Тўп "Атлетико" ўйинчисининг тўлиқ назоратида эмасди, зарба бериш бурчаги идеал эмас ва дарвозагача бўлган масофа анча узоқ эди. Ушбу вазият гол билан якунланишига ишонч билан айта оламизми? Мен бундай деб ўйламайман", – дея Анрининг сўзларини келтирмоқда Topskills Sports UK.
