UEFA Chempionlar ligasi 1/4 finalining dastlabki bahsida Kataloniyaning «Barselona» jamoasi o‘z maydoni «Kamp Nou»da Madridning «Atletiko» klubiga 0:2 hisobida imkoniyatni boy berdi.

Uchrashuv yakunlanganidan so‘ng «ko‘k-anorranglilar» ustozi Xans-Diter Flik VAR tizimining ishiga munosabat bildirdi.

«Birinchi o‘tkazib yuborilgan golda biz yaxshiroq himoyalanishimiz kerak edi. Jamoa chetlatish oldi, shundan so‘ng raqib darhol hisobni ochdi. Bu oqshom VAR e’tiborini mehmonlarga qaratdi. U yerda germaniyalik hakam bor edi. Germaniyaga rahmat», — dedi murabbiy final hushtagidan so‘ng.