УЕФА Чемпионлар лигаси 1/4 финалининг дастлабки баҳсида Каталониянинг «Барселона» жамоаси ўз майдони «Камп Ноу»да Мадриднинг «Атлетико» клубига 0:2 ҳисобида имкониятни бой берди.
Учрашув якунланганидан сўнг «кўк-анорранглилар» устози Ханс-Дитер Флик ВАР тизимининг ишига муносабат билдирди.
«Биринчи ўтказиб юборилган голда биз яхшироқ ҳимояланишимиз керак эди. Жамоа четлатиш олди, шундан сўнг рақиб дарҳол ҳисобни очди. Бу оқшом ВАР эътиборини меҳмонларга қаратди. У ерда германиялик ҳакам бор эди. Германияга раҳмат», — деди мураббий финал ҳуштагидан сўнг.
