«Selta»ning o‘ng qanot himoyachisi Oskar Mingesa Londonning «Arsenal» klubi qiziqishlari doirasiga tushdi.

26 yoshli futbolchi mavsum yakunlanganidan keyin katta ehtimol bilan erkin agentga aylanadi — uning muddati tugayotgan shartnomasi yangilanishi amrimahol. Jurnalist Sebastyen Vidalning so‘zlariga ko‘ra, «to‘pchilar» ispaniyalik futbolchining universalligidan hayratda va kelayotgan yozda uni jamoaga taklif qilish imkoniyatini ko‘rib chiqmoqda. Shuningdek, Premyer-liganing boshqa vakillari ham o‘yinchiga qiziqish bildirmoqda.

Oskar Mingesa — «Barselona» tarbiyalanuvchisi bo‘lib, 2022 yilda «Selta»ga o‘tishidan oldin aynan shu klub sharafini himoya qilgan. Har ikki qanotda va markazda o‘ynash qobiliyatiga ega bo‘lgan lateral joriy mavsumda 38 ta o‘yinda maydonga tushib, bitta gol va oltita golli uzatmaga mualliflik qildi.