Bugun Madridning «Real» klubi La Liga doirasida o‘z maydonida «Jirona»ni qabul qiladi. Uchrashuv Toshkent vaqti bilan 00:00 da boshlanadi.
Kelasi chorshanba kuni «qaymoqranglilar»ni «Bavariya»ga qarshi chorak finalning javob bahsi kutmoqda, shu sababli bosh murabbiy Alvaro Arbeloa muhim o‘yinchilardan biri — Antonio Ryudigerga dam beradi, deb xabar bermoqda jurnalist Xose Luis Sanches. 33 yoshli markaziy himoyachi Myunxendagi jang oldidan kuch yig‘ishi uchun juma kungi chempionat bahsida asosiy tarkibda maydonga tushmaydi.
Eslatib o‘tamiz, qarama-qarshilikning dastlabki o‘yinida «Real» «Santyago Bernabeu»da «Bavariya»ga 1:2 hisobida imkoniyatni boy bergan edi. Ushbu juftlik g‘olibi yarim finalda «PSJ» yoki «Liverpul» jamoalaridan biri bilan to‘qnash keladi.
