«Nyukasl» bosh murabbiyi Eddi Xau Angliya chempionati doirasida «Kristal Pelas»ga qarshi bo‘lib o‘tadigan o‘yin haqida o‘z fikrlari bilan o‘rtoqlashdi.
«Kristal Pelas» bilan o‘yinlar, qayerda — uyda yoki safarda o‘ynashimizdan qat’i nazar, doimo qiyin kechadi. Bu xavfli futbolchilarga ega, juda yaxshi tashkil etilgan jamoa», — deya Xauning so‘zlarini keltiradi «qarg‘alar» matbuot xizmati.
Angliya Premyer-ligasining 32-turidan o‘rin olgan «Kristal Pelas» va «Nyukasl» o‘rtasidagi bahs yakshanba, 12 aprel kuni bo‘lib o‘tadi. Uchrashuv Toshkent vaqti bilan 18:00 da start oladi.
Eslatib o‘tamiz, birinchi davrada Eddi Xau shogirdlari o‘z maydonida London klubini 2:0 hisobida mag‘lub etgan edi.
