Juma kuni Madridning «Real» jamoasi La Liganing 31-turi doirasida o‘z maydonida «Jirona»ni qabul qiladi.
Diario AS nashrining xabar berishicha, jarohati sababli uzoq vaqt maydonga tusha olmagan yarim himoyachi Jud Bellingem fevral oyi boshidan beri ilk bor uchrashuvni asosiy tarkibda boshlashi kutilmoqda. «Qaymoqranglilar»ning taxminiy boshlang‘ich tarkibi quyidagicha ko‘rinish olgan:
Lunin; Karvaxal, Militao, Xyoysen, Fran Garsiya; Tchuameni, Valverde, Kamavinga, Bellingem; Vinisius, Mbappe.
Uchrashuv Toshkent vaqti bilan soat 00:00 da start oladi. Alvaro Arbeloa shogirdlari hozirda turnir jadvalida ikkinchi o‘rinni egallab turishibdi va peshqadam «Barselona»dan yetti ochkoga ortda qolmoqda.
