«Manchester Siti» ustozi Xosep Gvardiola Angliya Premyer-ligasi joriy mavsumidagi chempionlik poygasi haqidagi savolga javob berdi.

Ayni damda «shaharliklar» turnir jadvalida ikkinchi o‘rinni egallab turibdi va peshqadam «Arsenal»dan to‘qqiz ochkoga ortda qolmoqda.

«Umid qilamanki, biz ko‘p ochko jamg‘ara olamiz. Premyer-ligadagi hozirgi holatimizda biz barcha o‘yinlarda g‘alaba qozonishimiz shart, aks holda oxirigacha kurashish imkoniyatiga ega bo‘lmaymiz. Har bir bahsda zafar quchishimiz lozim», — deya murabbiyning so‘zlarini keltiradi BBC.

12 aprel kuni «Manchester Siti» APLning 31-turi doirasida o‘z maydonida «Chelsi»ni qabul qiladi, oradan bir hafta o‘tib esa «Arsenal»ga qarshi hal qiluvchi bahsda maydonga tushadi.