"Barselona" vingeri Lamin Yamal joriy mavsumda klub safidagi samaradorligini yanada oshirib, barcha turnirlardagi ochkolari sonini 37 taga yetkazib oldi.
18 yoshli futbolchi La Liga doirasidagi "Espanyol"ga qarshi kechayotgan bahsda (2:1, ikkinchi bo‘lim davom etmoqda) ikkita golli uzatmani amalga oshirdi. E’tiborlisi, har ikkala holatda ham u Ferran Torresning gollariga hammualliflik qildi.
Endilikda Yamalning "Barselona" safidagi joriy mavsum statistikasi 43 o‘yinda 21 ta gol va 16 ta golli uzatmani tashkil etmoqda.
Turnirlar bo‘yicha ko‘rsatkichlar:
-
La Liga: 27 o‘yinda 14 ta gol va 11 ta assist;
-
Ispaniya Kubogi: 5 o‘yinda 2 ta gol va 2 ta assist;
-
Chempionlar ligasi: 9 o‘yinda 5 ta gol va 3 ta assist;
-
Ispaniya Superkubogi: 2 o‘yinda 0 ochko.
