"Барселона" вингери Ламин Ямал жорий мавсумда клуб сафидаги самарадорлигини янада ошириб, барча турнирлардаги очколари сонини 37 тага етказиб олди.
18 ёшли футболчи Ла Лига доирасидаги "Эспаньол"га қарши кечаётган баҳсда (2:1, иккинчи бўлим давом этмоқда) иккита голли узатмани амалга оширди. Эътиборлиси, ҳар иккала ҳолатда ҳам у Ферран Торреснинг голларига ҳаммуаллифлик қилди.
Эндиликда Ямалнинг "Барселона" сафидаги жорий мавсум статистикаси 43 ўйинда 21 та гол ва 16 та голли узатмани ташкил этмоқда.
Турнирлар бўйича кўрсаткичлар:
-
Ла Лига: 27 ўйинда 14 та гол ва 11 та ассист;
-
Испания Кубоги: 5 ўйинда 2 та гол ва 2 та ассист;
-
Чемпионлар лигаси: 9 ўйинда 5 та гол ва 3 та ассист;
-
Испания Суперкубоги: 2 ўйинда 0 очко.
