Londonning «Arsenal» klubi hujumkor yarim himoyachisi Itan Nvaneri «Marsel»dagi ijaradan qaytganidan so‘ng klubini o‘zgartirishi mumkin.
Jurnalist Ekrem Konurning xabar berishicha, 19 yoshli futbolchini qo‘lga kiritishga Dortmundning «Borussiya» klubi jiddiy tarzda bel bog‘lagan. Bundan tashqari, istiqbolli ingliz futbolchisini Italiyaning «Milan» va «Yuventus» klublari ham diqqat bilan kuzatib borishmoqda.
«Arsenal» hozircha o‘z tarbiyalanuvchisi bilan xayrlashishni rejalashtirmayapti — u bo‘yicha yakuniy qaror keyinroq qabul qilinadi.
Transfermarkt portali Itan Nvanerining bozor qiymatini 40 million yevroga baholamoqda. «Marsel» safidagi o‘nta o‘yinda futbolchi ikkita gol va bitta golli uzatmani o‘z hisobiga yozdirib qo‘yishga ulgurdi.
