Лондоннинг «Арсенал» клуби ҳужумкор ярим ҳимоячиси Итан Нванери «Марсель»даги ижарадан қайтганидан сўнг клубини ўзгартириши мумкин.
Журналист Экрем Конурнинг хабар беришича, 19 ёшли футболчини қўлга киритишга Дортмунднинг «Боруссия» клуби жиддий тарзда бел боғлаган. Бундан ташқари, истиқболли инглиз футболчисини Италиянинг «Милан» ва «Ювентус» клублари ҳам диққат билан кузатиб боришмоқда.
«Арсенал» ҳозирча ўз тарбияланувчиси билан хайрлашишни режалаштирмаяпти — у бўйича якуний қарор кейинроқ қабул қилинади.
Transfermarkt портали Итан Нванерининг бозор қийматини 40 миллион еврога баҳоламоқда. «Марсель» сафидаги ўнта ўйинда футболчи иккита гол ва битта голли узатмани ўз ҳисобига ёздириб қўйишга улгурди.
