«Manchester Yunayted» sardori Brunu Fernandesh so‘nggi yillarda jamoaga nima yetishmayotgani haqida gapirib berdi.

«Biz shunday natijalarni butun mavsum davomida ko‘rsata olamizmi? Har qanday jamoa qisqa muddatli omadli seriyalarni qayd etishi mumkin. Lekin butun bir mavsumni muvaffaqiyatli o‘tkazish ancha qiyin — men bu yerda bo‘lgan vaqtim davomida biz bunga hali erishmadik.

Nima yetishmayapti? Barqarorlik. Chempionatda har bir qo‘lga kiritilgan ochko, har bir mayda detal katta ahamiyatga ega», — deya jurnalist Jeyson Byort Fernandeshning so‘zlarini keltirmoqda.

«Manchester Yunayted» Premyer-liganing 31-turidan so‘ng turnir jadvalida uchinchi o‘rinni egallab turibdi.