«Chelsi» bosh murabbiyi Liam Rosenyor londonliklar hujumchisi Joao Pedro haqidagi fikrlari bilan o‘rtoqlashdi.
«Joao Pedro — bu ulkan salohiyatga ega ekanligini hamma biladigan futbolchi, lekin endi u mana shu salohiyatini to‘liq ro‘yobga chiqarishi kerak bo‘lgan yoshga yetdi. U ko‘proq gol urib, bizga Angliya Kubogini yutishda va Chempionlar Ligasiga yo‘llanma olishda yordam bersa, shuningdek, Jahon chempionatida Braziliya terma jamoasining 9-raqamli libosini kiysa, mendan baxtliroq inson bo‘lmasdi», — deya Rosenyorning so‘zlarini keltirmoqda «Chelsi» rasmiy sayti.
Joriy mavsumda Joao Pedro «Chelsi» safida barcha turnirlarda 44 ta o‘yinda maydonga tushdi. U o‘z hisobiga 19 ta gol va 9 ta golli uzatmani yozdirib qo‘yishga muvaffaq bo‘ldi.
