«Челси» бош мураббийи Лиам Росеньор лондонликлар ҳужумчиси Жоао Педро ҳақидаги фикрлари билан ўртоқлашди.

«Жоао Педро — бу улкан салоҳиятга эга эканлигини ҳамма биладиган футболчи, лекин энди у мана шу салоҳиятини тўлиқ рўёбга чиқариши керак бўлган ёшга етди. У кўпроқ гол уриб, бизга Англия Кубогини ютишда ва Чемпионлар Лигасига йўлланма олишда ёрдам берса, шунингдек, Жаҳон чемпионатида Бразилия терма жамоасининг 9-рақамли либосини кийса, мендан бахтлироқ инсон бўлмасди», — дея Росеньорнинг сўзларини келтирмоқда «Челси» расмий сайти.

Жорий мавсумда Жоао Педро «Челси» сафида барча турнирларда 44 та ўйинда майдонга тушди. У ўз ҳисобига 19 та гол ва 9 та голли узатмани ёздириб қўйишга муваффақ бўлди.