«Bavariya» yarim himoyachisi Yozua Kimmix Chempionlar ligasi chorak finali doirasida Madridning «Real» klubiga qarshi bo‘lib o‘tadigan javob uchrashuvi oldidan o‘z kutilmalari bilan o‘rtoqlashdi.
«Real» uchun ularning qanday holatda ekanliklari umuman muhim emas. Chempionlar ligasi boshlanganida, ular bor kuchlari bilan o‘ynashadi. Shu sababli, ularning bungacha qanday o‘yin ko‘rsatganlari ahamiyatga ega emas deb hisoblayman», — dedi Kimmix Bild nashriga bergan intervyusida.
Eslatib o‘tamiz, Chempionlar ligasi chorak finalining dastlabki bahsida «Bavariya» safarda «Real» ustidan 2:1 hisobida g‘alaba qozongan edi. Jamoalar o‘rtasidagi javob o‘yini 15 aprel kuni Myunxendagi «Alyans Arena» stadionida bo‘lib o‘tadi.
