«Chelsi» yarim himoyachisi Moyses Kaysedo qachondan boshlab o‘zini London klubi yetakchilaridan biri bo‘la olishini anglagani haqidagi savolga javob berdi.

«Rostini aytsam, ikkinchi mavsumda. Mavsum boshida o‘zimga shunday dedim: bu mening mavsumim bo‘ladi, chunki o‘tgan mavsumda juda ko‘p narsani o‘rgandim. Shunday ekan, endi odamlarga aslida kim ekanligimni ko‘rsatishga tayyorman. Men buni har bir o‘yinda namoyish etishga harakat qildim va odamlar men haqimda gapira boshlashdi», — deya Kaysedoning so‘zlarini keltirmoqda «Chelsi» rasmiy sayti.

Moyses Kaysedo 2023 yilda «Brayton»dan 116 million yevro evaziga «Chelsi»ga o‘tgan edi. Uning «ko‘klar» bilan shartnomasi 2031 yilning 30 iyuniga qadar mo‘ljallangan. Joriy mavsumda yarim himoyachi London klubi safida barcha turnirlarda 41 ta o‘yinda maydonga tushib, 5 ta gol urdi va bitta golli uzatmani amalga oshirdi.